NUQTAYA PANCINE

   Şefqat ke cîlveyanê Rehmetê Îlahîye ra tewr nazik, tewr rind, tewr weş, tewr şîrin, şurubêde nuranî yo, eşq ra hîna tesîrin o. Rew beno sebebê resayîşê Cenabê Heqî. Senî eşqo mecazî û eşqo dinyayî, pê gelek muşkîlatan, tadîno beno eşqo heqîqî, Cenabê Heqî dano peydakerdiş. Winî zî, şefqat, la bê muşkîlat, şeklêde hîna kilm, hîna safî de zerrîya merdimî Cenabê Heq reyra girêdano.

   Wazen wa pî bibo, wazen wa maye bibo, leyîrê xo ra sey yew dinya hes kenî. Çi wext ke ewladê ey destê ey ra bêro girewtiş, eger bextewar bo, ehlê îmano heqîqî bo, riyê xo dinya ra tadeno, Munîmê Heqîqîyî vîneno. Vano ke: “Madem dinya fanî ya, nêerjena alaqayê qelbî.” Ewladê ey şiyo kuca, seba ucayî tede yew eleqa peyda bena, yew halo manewîyo girs qezenç keno.

   Ehlê xeflet û dalalet, seadet û mizgîno ke nê panc heqîqaten de yo ra meheyr î. Halê înan ê eleminan, naye reyra qîyas bikînî ke: Cenîyêda pîre, yew qeçê ayeyo tek û şîrino ke tira zaf hes kena, gama ey sekerat de vîno, zennê dinya de tim mendişî ra, netîceyê ğeflet û dalaletî ra vana qey