DUSTÛRÊ ŞIMA YO YEWIN
Ganî amelê şima de rizaya Îlahî bibo.
Eke o razî bo, dinya pêro biherediyo ehemmiyetê xo çin o. Eke o qebul biko, şar pêro red biko tesîrê xo çin o. Gama ke o razî bo û qebul biko, eke biwazo, hîkmetê ey layiq bivîno, şima qayîlê waştene zî nêbî (şima qayîl nêbî biwazî zî) şarî dano qebulkerdiş, înan zî keno razî. Coka, no xizmet de rasta-rast ganî tenya rizayê Cenabê Heqî meqsado bingeyên bêro girewtene.
DUSTÛRÊ ŞIMA YO DIYIN
Rexne nêkerdena birarê şima yê ke no xizmetê Qur'anî de yî û înan ser ro sey fazîletroşane tehrîk nêkerdena damara înan ê werrekîxobider ardişî yo.
Çunke, senî destanê kê ra yew dest muxalîfê ê bînî nêbeno, yew çim çimo bînî rexne nêkeno, ziwanê kê goşî rê îtîraz nêkeno, qelb eybê ruhî nêvîneno. Belkî kemaniya yewbînan tamam kenî, qusûranê yewbînan nimnenî, îhtiyacanê yewbînan rê ardim kenî, wazîfeyanê xo de yewbînan rê hetkarî kenî; nêgra cuya ê wucudê însanî hewna şona, ruhê ey remeno, cismê ey zî raşiyêno.