Gelo keso ki vîst û hîrê saetanê xu na cuya dinya rê serf biko, la saetêkê xu cuya ebedî rê serf nêko, çendehîna zirar keno, çendehîna nefsê xu rê zilm keno û çendehîna aqil ra dûrî hereket keno! Çunke, keso ki nêmeyê malê xu bido yew qumaro ki hezar merdimî kaykenî eke qebul bibo, o zî îhtimalê qezancî hezar ra yew o. Û ser di zî o kes vîst û çar maldê xu ra yew malê xu seba qezancê xiznaya ebedî nêdo, ki îhtimalê qezencî se ra neway û new o, çendehîna aqil û mentiqî ra dûrî hereket keno, çewo ki xu aqildar hesibnenî ma fam nêkeno?

   Halbukî nimaj di ruh û aqil rê rehetêko gird est o. Hem bedenê rê çiyo zaf giran niyo. Hem merdimo ki nimaj biko, nêyetêko rind reyra xebat û hereketê ey ê helal pêro îbadet hesibênî. Bi no hawa sermayeyê ‘emrê xu, xu rê keno malê axîretî. Ti vaje ki ‘emrê xuyê fanî keno daîmî.