O nefero şîkemperwer û ecemî zî gueş nêdaynî talîm û cengî, vatên: "O wezîfeyî dewlatî yo, mi rî çi.? Tim werabê xu duşmîş biynî û nefeqayê xu dima kewtên. Tabur terk kerdên. Miyûnî şaristanî di fetiliyaynî û tîcaret kerdên.

   Ruejêk embazî eyo zûnaye tira vûno:

   “Birader wazîfeyî tu yo eslî talîm û ceng o. Semedî in wezîfeyî ti ardî tiya. Padişahî ra bewer bi. O tu vêşûn nêverdeno. Mirdkerdişî tu Ey sero yo. Hem ti eciz û xizan î, heme ca di ti nêşkenî xu miqayte bikerî. Hem zî wextê seferbelix û cengî yo. Eke ti wezîfeyî xu dîqet nêkerî tu ra vûnî asî, caza dûnî tu.?

   Belê, di wezîfeyî verniyê ma di aysenî: Yew; wezîfeyî padişahî yo, o zî ma rî wayîr veciyayîş o. Semedo ki wayîriyê ma bikero, rey-rey wazîfe dûno ma û ma tede xebitneno. O bîn; wezîfeyî ma yo. Yanî talîm û ceng o. Semedo ki ma bieşkî no wezîfe biyarî ca padişah zî ardim û çek dûno ma.

   Gelo in nefero serserî eke gueş nêdo in nefero zûnaye û cengawerî o çax çendêk tehluke di mûneno… ti fehm kenî!

   Ha yo, hey nefsê mino terral!

   O meydanî cengiyo têmiyûnkewte; ina dinyaya şematayin û qirrecîr a. O ordiyo ki teqsîmî taburan biyo; cematî însûnûn o ¹ . A taburi zî; in 'esr/qirn di cematî îslamî yo. Ê di eskeran ra yew bisilumûno ki wayîrî teqwa yo. Ferzî îslamî ûno ca û guneyûnî girdûn ra remeno. Semedo ki guneyûn nêkero zî nefs û şeytan di ceng keno.

   O bîn xesar miyûn di fasiqo ki seke rezzaqo raştikênî sucdar bikiro baweriyê xu wayîrkerdişî Ey nêûno.