Vera rubûbiyetê eyê bêhetkar û uluhiyetê eyê bêşerîk, vera sultaniya eya bêwezîr îbadet keno û hetkarî wazeno. Hem vera xişneya eya bêpeynî û qudretê eyê bêpeynî, vera îzzet û rûmetê eyê bêkemaneyî şono rukû, temamê kaînet reyra zeîfiye û eciziya xo, feqîriya xo, qijey û nizmiya xo newneno û

سُبْحَانَ رَبِّىَ الْعَظٖيمِ

 vano. Rebbê xoyê pîl tesbîh keno. Hem vera cemalê eyê daîmî, vera sifatê eyê qudsî, vera bêkemaniya eya sermedî, ke nêvurîna, secde keno. Miyanê heyretî de, miyanê ‘eyb û kemaniya xo de heme çî û mexlûqan terk keno. Heskerdiş û îbadetê xo Homay nawneno. Hem vera faniyan xo rê Cemîlêko Baqî, Rehîmêko Sermedî vîneno

سُبْحَانَ رَبِّىَ الْاَعْلٰى

vano. Pakiya Rebbê xo ke hukûmdariya xo de daîmî yo û heme qusuran ra dûrî yo veng dano û dano eşnawitiş. Dima eşheda xo ano, ronişeno û dua û zikranê heme mexlûqanê mubarekan û selawatanê înanê weşan ser nameyê xo no Cemîlê Lemyezel û Celîlê Layezel rê yadîgar keno. Selamî ser Resulê Ekremî keno. Nê selaman reyra fina newe ra secde keno, emranê ey rê îteatkariya xo nawneno. Seba ke îmanê xo newe û roşn biko, întîzamê qesra kaînatî de bol bi hîkmet vîneno û wahdaniyetê Hunermendê Zulcelal rê şahîdiye keno. Hem zî Rîsaletê delalê Seltanatê Rubûbiyetê rê, zato ke tena çiyanê Homay ra hes keno vano û dano eşnawitiş, tercumanê ayetanê nê kitabê kaînatî rê yanî Muhemmedê Erebî aleyhîselat û wesselamî rê şahîdiye keno.