Bol nuranê na ayete
اَللّٰهُ نُورُ السَّمٰوَاتِ وَالْاَرْضِ
ra yew roşnayê qelbî to sero rişneno. Alemê to yê ey rojî, bi beriqiyayîşê ey nur ra roşn keno. Nê alemê roşnî badî keno şahîdê to.
Eman mevaji: “Nimajê mi kera, heqîqetê nimajî kera?” Çunke yew dendika xurma, sey yew xurmayêre dara xo dana naskerdene. Ferq tena miyanê zafey û şenikiye de est o. Sey enî, nimajê nezanêk sey min û to zî –welew pênehesiyo zî– sey nimajê ewliyayêko xurt, no nurî ra bara xo gêno. Na rastiye ra girewtişê xo est o. Welew hêşê to ver nêşîro (ti bêhayî bî) zî.
Feqet gorebê derecan û averşiyayîşan roşngirewtiş ciya-ciya yo. Senî dendika xurma ra heta dara xurma çend bêj mertebeyî 1 est î, o tewir zî, dereceyê nimajî de daha vêşî mertebeyî est î, heme mertebanê ey de bingehê no heqîqeto nuranî est o.