Yew Parçeyê Zeyla/zêdeka Mûcîzeyê Ehmedî^(e.s.w.) Ya

[ Delîlanê Rîsaletê Ehmedî (e.s.w.) ser o yo û perso ke aîdê hîrê muşkîleyê muhîman ra muşkîlo yewin o ke peyniya Esasê Hîrêyin yê Rîsaleyê Mîracî yo rê, yew cewab o ke bi hawayê yew fîhrîsteyê kilmî de ameyo dayene.]

Pers: No Mîraco Azîm, çira mexsûsê Muhemmedê ‘Erebî ‘eleyhîsselatu wesselamî yo?

Cewabê ey: No muşkîleyê şima yo yewin, Hîris û Hîrê tene Vateyan de bi dergo dilayî ameyo helkerene. Tena tiya de, ma kemalatê Zatê Ehmediye (‘e.s.w.)î ser o û delîlanê Nubuwetê Ey ser o û oyo ke tewr zêde layiqê ey mîracê pîl o, o yo; bi hawayê îşaretanê îcmalî, fîhrîsteyêko kilm nawnenê. Wina ke:

Verê cû: Kitêbê muqeddesî yê sey Tewrat, Încîl û Zebûrî, marûzê zaf texrîfan biyê reyde zî, no wext zî, yew muheqîqo sey Huseynê Cisrî, Nubuwwetê Ehmediye (‘e.s.w.)î ser o, ê kitaban ra, se û des mizgîniyê îşarî vetî û “Rîsale-î Hemîdiye” de nawnayê.

Ê diyin: Hetê tarîxî ra sabît o û tarîx neqil keno ke sey beyananê di kahînanê namdaran, yê sey Şiq û Satihî, biney Nubuwwetê Ehmediye (‘e.s.w.)î ra ver Nubuwwetê Ey ser o beyanî estê ke vato pêxemberê axirê zemanî O yo, zaf mizgîniyê sey nînan, bi hawayêko sehîh neqil kerdo.¹