Mektubo Newêsin
No rîsale, hîrê sey ra vêşêr Mûcîzeyan beyan keno. Senî ke Mûcîzeyê Rîsaletê Ehmediye (‘e.s.w.) beyan keno, o bi xo zî yew kerametê ê Mûcîzeyî yo. [No rîsale] hîrê-çar hetan ra biyo xarîqa.
Yê yewin: Hem neqil û rîwayet hem se rîpelan ra vêşêr biyayîşê xo reyde, wina bê muracatê kitaban, hawayêko ezber, quncikanê ko û rezan de, miyanê hîrê-çar rojan de, roje de di-hîrê saetî xebate reyde, pêro piya diwês saetî de telîfbiyayîşê (nusiyayîşê) ey, hedîseyêko xarîqa yo.
Yê diyin: No rîsale, dergbiyayîşê xo reyde, ne nuştişê ey aciziye dano ne wendişê ey helawiya/şîriniya xo ra çiyêk vindî keno. Ê ehlê qelemê tenbelî wina ardî yew şewq û xeyret ke; no demo zertengin û acizin de, nê nordorî de miyanê yew serre de nuştişê nêzdiyê hewtay nusxeyan, qenaet da kesanê zanayan ke no yew kerametê ê Mûcîzeyê rîsaletî yo.
Yê hîrêyin: O ke bê tecrube bi û hayiya ey tewafuqî ra çin bî û verê ke hima ma rê tewafuq eşkera nêbibi, nusxeyê ey de û nusxeyê heşt mustexsînanê bînan de, ke yewbînan nêdiyo, kelîmeya Resulê Ekrem ‘eleyhîsselatu wesselamî, heme rîsale de û lefzê Quranî, parçeyê eyê pancin de, hawayêk tewafuqî wina raştê yewbînan ameyîşê înan,