“No, Seyyîd-ul ‘alemîn o û do bibo pêxember.”
Qureyşiyan va: “Ti kotî ra zanî?” Rahîbê mubarekî va ke: “Gama şima ameynê, ez ewniyaya ke hewa de, yew parçeyê hewrî estbi. Gama şima roniştibî, ey hewrî, meylî serê nê Muhemmed-ul Emînî (‘e.s.w.) kerd, ci rê bi siye. Hem mi dî ke kerra, dare û ber, kewtibê weziyetêko wina ke, seke ci rê secde bikî. No zî, nebiyan rê viraziyeno. ”1
Ha yo, sey nê heşt nimûneyan, belkî heştay nimûneyî estî. Eke nê heşt nimûneyî pêra bêrî girêdayîş, benî rêzilêka/zincîrêka wina pête ke qet yew şik nêeşkeno aye biqerefno û nêeşkeno bileqno. No tewir mûcîzeyî, hetê pêroyiya xo ra, yanî no qiseykerdişê bêganan seba delîliya de’waya Nubuwwetî, hukmê tewaturî de, yeqîniye û qet’iyiye îfade kenê. Her yew nimûne, quwetê pêroyiye ra, yew quweto ke quwetê xo ra zêdêr, quwetêko bîn zî gêno. Belê, dîregêka zeîfe, gama bi dîreganê quwetinan dir bêra têhet, bena muhkeme. Merdimêko bêquwet û zeîf, gama bibo esker û bikewo artêşî, wina hêzdar/quwetin beno ke hezar merdiman rê meydan waneno.
ÎŞARETO DIWÊSIN: Hîrê nimûneyê ke Îşaretê Yewendesin dir eleqedar î, nimûneyê xayet muhîm ê.
Nimûneyo Yewin: Bi nassa qet’î ya
2‡ÛÖÎÛA ÕÛÖÛñ˜MÛ ¿ıØ ÕÛÖÛñ˜MÛ ‡ÛÇ’ÄıäˆÛ ¿$Û ÕÛÖ’ò
û bi tehqîqê heme mufessîranê