hetê me’newî ra nêbî şirîk/îştîraq nêkî? Hem şirîk nêbiyayîş reyde; ka beno ke nêwardê tekzîb nêkerî?
Nimûneyo Diyin: Sere de Buxarî û Muslîm, kitabê sehîhî xebere danî ke:
Hezretê Cabîr Îbnê Ebdullah –il Ensarî beyan keno: Ma hezar û panc sey kesî, Xezweyê Xudeybiye de teyşan biyî. Resûlê Ekrem ‘eleyhîsselatu wesselamî, firaqêke ra, ke tira kirbe ameyên vatene, destnimaj girewt, dima destê xo kerd tira. Mi dî ke engiştanê ey ra, sey hêniyî awe herikêna. Hezar û panc sey kesan tira şimite û aye kirbe ra firaqê xo dekerdî.
Salim Îbnê Eb-il Ce’d, Cabîr ra persayo: “Şima çend kesî biy?” Cabîrî vato: “Eke se hezar kes zî bibiyêne, hewna do qîm bikerdêne. Labelê ma pancês sed (yanî hezar û panc sey ) biy.1
Ha yo, rawiyê nê mûcîzeyê bahirî, hetê me’newî ra, bi qasî hezar û panc seyî yê. Çunke, fitretê beşerî de, waştişê meylêk esto ke zure ra vano zur a. Herçî sehabeyî, seba sidq û raştiye, can û mal û peder û dayikanê xo û qewm û qebîleyanê xo feda kerdiş û seba sidq û heqiyî fedaî biyayîş reyde, hem vera tehdîdê meala hedîsa şerîf a “Ê ke bi zanayî zurêke nameyê mi ser o xebere bido, wa adirê cehennemî de cayê xo rê xo bihederno! ” vera tehdîdî na hedîse, îmkan çin o ke sukût bikî. Madem sukût kerdo, înan aye xebere qebul kerda, eke wina yo hetê me’newî ra iştîrak kenê û tesdîq kenê.
Nimûneyo Hîrêyin: Xezweyê Buwatî de, hewna sere de Buxarî, Muslîm û kitabê sehîhî beyan kenî:
