B- Her zemanek, hukmekî xwe heye. Ev zeman, hukmê kuştin û rakirina hin edetên pîrbûyî dide. Ji ber ku zerarên wan ji menfeetên wan zaftir in, fitwayê ji îdama wan re dide.

   P- Berî her tiştî ji me re çi divê?

   B- Rastî!..

   P- Hê bêhtir?

   B- Derew-nekirin.

   P- Peyre?

   B- Sidq.

   P- Ev bi tenê?

   B- Erê!..

   P- Çima?

   B- Kufur, derew e; îman, sidq e. Ev burhan, ne bes e gelo ku dewama jiyana me bi dewama sidqê ye?

   P- Serê pêşî divê reîsên me bên îslahkirin!

   B- Erê, reîsên we, çawan ku malê we di cêva xwe de hebs kirine, aqilên we jî yan girtine xistine cêvên xwe yan jî di dîmaxa we de hebs kirine. Nexwe ku wisan e, a niha ez dê bi wan aqilên we yên ku li cem wan in re bipeyivim.

   Eyyuher-ruûs wer rûesa/Gelî serok û rêberan! Ji tewakula ku mîna ye zexeliyê, xwe dûr bigrin. Hûn îş û karê xwe hewaleyî hev û din mekin! Bi mal û aqilê me yê ku di destê we de ye, ji me re xizmetê bikin! Lewra we bi xebitandina van miskînan, heqdesta xwe girtiye. Va ye wextê xizmetê ye.

فَعَلَيْكُمْ بِالتَّدَارُكِ لِمَا ضَيَّعْتُمْ فِي الصَّيْفِ

   P- Salek du sal in, bi her kesî re daxwaza diyanetê/dîndariyê û meylên heqiyê hişyar bûne. Hetta dizekên me yên Gewdan û Memxuran jî, bi şîreteke Şêx Ehmed bûne sofî.

وَقَدْ قَطَعَ الطَّرِيقَ عَلَى الشَّقَاوَةِ هٰذَا الْمَيَلَن

   B- Bi xêra serê wî şêxê meşrûtiyetê ye ku penageha reşadetê ku stara heqqî û rastîtiyê ye. Lewra meşrûtî, derket ser textê fikran. Hebl-ul metînê milliyetê ku hevgirtina zexm e, xist fealiyetê. Îslam ku Urwetul Wusqa ya Nûranî ye, ket tevgerê. Her yek Muslumanekî fêm kir ku