Girîngî û şefqeta fewqelade ya di hember Cenabê Hûseyn de nîşan dayî, li ser navê alimên ‘alîcenab ên mîna Zeynelabîdîn (r.) Ce’ferê Sadiq (r.) yên ji silsileya nûranî ya Hezretî Huseyn tên û her weha li ser navê gelek zatên nûranî yên mehdî-mîsal ên warisên rasteqîn yên nubûwetê û ji ber dînê Îslamê û wezîfeya rîsaletê stûyê wî maçî kiriye, şefqet û girîngiya xwe ya tam nîşan daye.

   Belê, nezera nûranî ya Zatê Ehmed (s.) a bi qelbê xeyb-aşîn û çavê wî yê îstiqbal-dîn ku di dinyayê de ji esrê seadetê hetanî meydana heşrê temaşe kirî, ji erdê bihişt dîtî û li ser erdê firîşteyên asîmanan temaşe kirî û ew rûdanên (hadîseyên) ku ji dema Adem ve di nav perdeyên zulûmata raboriyê de hatî veşartin dîtî, heta mezherê dîtina zatê Zulcelal bûyî, bêguman ew eqtab û îmamên werese û mehdiyên ku ji pişta Hezretî Hesen (r.) û Hezretî Huseyn (r.) teselsul kirî dîtine û li ser navê wan hemûyan serê wan maçî kiriye. Belê di maçîkirina serê Hezretî Huseyn de behreke mezin a Şahê Geylanî heye.

   NUKTEYA SÊYEMÎN: Li gorî nêrînekê (qewlekê) maneya ayeta “...

اِلاَّ الْمَوَدَّة فِي الْقُرْبَى

yê Resûlê Ekrem (s.) di berdêla bicîanîna wezîfeya rîsaletê de ucretê naxwaze; bes ji Ehê Beyta xwe re hezkirinê dixwaze.

   Eger were gotin: “Li gorî vê maneyê wisa dixuye ku feydeyeke ku ji aliyê nêzîkbûna neslê ve tê li ber çavan hatiye danîn. Halehal li gorî raza

اِنَّ اَكْرَمَكُمْ عِنْدَ اللّٰهِ اَتْقٰيكُمْ

ê wezîfeya rîsaletê ne ku li gorî nêzîkbûna neslê, belkî li gorî nêzîkbûna Xwedê cereyan dike.”

Bersiv: Resûlê Ekrêm (s.) bi nêrîna xwe ya xeyb-aşîna dîtiye ku Ehê Beyta wî di nav alema Îslamê de wê têkeve şûna dareke nûranî. Piraniya wan zatên ku dê di hemû tebeqeyên alema Îslamê de, di dersa kemalata însanî de wezîfeya rêberî û murşidiyê bibînin wê ji Ehê Beytê derbikevin. Bi keşfê dîtiye ku ev duaya umetê, ya di teşehudê (tehiyatê)

اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى اِبْرَاهِيمَ وَعَلَى آلِ اِبْرَاهِيمَ اِنَّكَ حَمِيدٌ مَجِيدٌ

ku derbarê “Al”î de ye, wê qebûl bibe. Yanî, wek çawa di miletê Îbrahîm