Qet gengaz e ku ew bextewariya ebedî ya ku hemû ehlê îmanê, di hemû deman de, her tim, bi îxlas û îştiyaq û duayeke tam dixwazin ji wan re neyê dayîn û ew Kerîmê Mutleq û ew Rehîmê Mutleq yê ku bi şehdebûna hemû gerdûnê dilovaniyeke Wî ya bêhed û hisab heye, duaya wan hemûyan qebûl neke û bextewariya ebedî çênebe?
NUKTEYA SISÊYAN: Qebûlkirina duaya bigotinî ya hilbijartinî (duaya qewlî ya îxtiyarî) bi du aliyan e. Yan dê bi eynî daxwazê qebûl bibe yan jî dê ya ji wê çêtir bide.
Wek mînak: Yek lawekî bo xwe dixwaze. Cenabê Heq qîzeke mîna Hezretê Meryem didiyê. Nayê gotin ku “Duaya wî qebûl nebûye.” Tê gotin ku “Hê çêtir qebûl bûye.” Hem carînan bo bextewariya dinyaya xwe duayê dike. Duaya wî ji axretê re qebûl dibe. Nayê gotin ku “Duaya wî hatiye redkirin.” A rast ev e ku divê bê gotin ku: “Bi awayekî menfeettir qebûl bû.” Û herwekî wê… Madem Cenabê Heq Hekîm e; em ê ji wî bixwazin, Ew ê jî bersiva me bide. Bes dê li gorî hikmeta xwe bi me ra muameleyê bike. Yê nexweş divêt hikmeta bijîşkî tawandar neke. Nexweş hingiv dixwaze, bijîşkê pispor ji ber taya wî ya sulfatoyê (texlîteke derman e) didiyê. Nayê gotin ku “Bijîşk li min guhdarî nekir.” A rast ev e ku (bijîşkî) li ax û fîzara wî guhdarî kir, bihîst, bersiv jî da; mebesta herî baş bi cî anî.
NUKTEYA ÇARAN: Feyde û encama herî spehî, herî xweş, herî bitam û herî amade ya duayê ev e ku: Ew mirovê ku duayê dike zane ku yek heye ku dengê wî seh dike, dermanî digihîne derdê wî, merhemetê lê dike. Destê qudreta Wî digihîje her tiştî. Di vê xana dinyayê de ew ne bi tenê ye; zatekî Kerîm heye, li wî dinêre, sebra wî pê tê. Hem xwe di huzûra zatekî welê de tesewir dike ku ew zat dikare hewceyiyên wî yên bêhed û hisab bi cî bîne û dijminên wî yên bêhed û hisab biqewirîne, dilê wî xweş dibe, rehet dibe, barekî qasî dinyayê giran ji ser xwe diavêje û dibêje:
اَلْحَمْدُ لِلّٰهِ رَبِّ الْعَالَمِينَ
NUKTEYA PÊNCAN: Dua, giyanê perestiyê/îbadetê ye û encama îmaneke xalis e. Lewra, ew merivê duayê dike, bi duaya xwe destnîşan dike ku: Yekî ku serweriya gerdûnê dike, heye ku, haya Wî ji karên wî yên herî biçûk heye û dizane,
