yên mayîn bi kurtî hatine destnîşankirin. Niha di nav wan tebeqeyan du tebeqe, yên ku di Rîsaleya Ehmedî de ne hewceyiya wan gelek bi raveyê hebû, wê demê gelek kêm mabû.
Tebeqeya Ewil: Nexwendeyên amî ku em jê re “Tebeqeya Biguh” dibêjin, li Qur’anê guhdarî dike, bi wesiteya guhî mucîzeyiya wê fêm dike. Ango dibêje: “Ev Qur’ana ku ez lê guhdarî dikim naşibe kitêbên din. Yan dê di bin hemûyan re be yan jî di ser hemûyan re be. Vebijêrka (şiqa) ku di bin hemûyan re ye, tu kes nikare bibêje, negotiye, şeytên jî nikare bibêje. Nexwe, di ser hemûyan re ye.”
Vaye di îşareta Hijdehê de ev qas bi kurtî hatibû nivîsandin. Pişt re ji bo şîroveya wê Beşa Ewil ya bi navê “Hucet-ul Qur’an Ela Hîzbî-ş Şeytan” ya Nameya Bîst û Şeşê fêhma wê tebeqeyê ya di mucîzeyiyê de teswîr dike û dipeyitîne.
Tebeqeya Duyemîn: Tebeqeya biçav e. Ango: Di Îşareta Hijdehê de hatiye dozkirin ku ji nexwendeyên amî yan jî hemberî tebeqeya materyalîst ya aqila wan daketî çavê wan îşareteke mucîzeyiyê ya bi çav were dîtin ya Qur’anê heye. Û ji boyî ronîkirin û peyta wê dozê pêwistî bi gelek raveyê hebû. Niha me fêm kir ku ji ber hikmeteke Rebanî ya girîng ew rave nehat dayîn. Îşaretî çendek perçeyên wê yên hindik hatibû kirin. Niha hikmeta wê razê hate fêmkirin û qenaeteke qet’î ya me çêbû ku bipaşdexistina wê çêtir bû. Niha ji bo ku fêhm û zewqa wê tebeqeyê bêt hêsankirin, ji çil aliyên mucîzeyiya wê aliyeke wê yê bi çav tê dîtin, me Qur’anek da nivîsandin ku wî aliyî nîşan bide.
(Meseleyên mayîn yên vê beşa sisêyê û Beşa Çarê ji ber ku der barê tewafûqatê de bûn; me fîhrîsteya der barê tewafuqatê de bes dît û li vir nehatin nivîsandin. Bes hişyariyek der barê Beşa Çarê û Nukteya Sisêyê hate nivîsandin.)
HIŞYARÎ: Di beyana nukteya mezin ya di Lefza Resûl de sed û şêst ayet hatin nivîsandin. Xasiyeta van ayetan hem gelek mezin in, hem jî ji ber ku ji aliyê wateyê ve hevûdin peyt û temam dikin gelek watedar in, wek çawa ji wan kesên ku daxwazeke wan ya jiberkirin û xwendina van ayetên muxtelif heye hizbeke Qur’anê ye; di beyana nukteya mezin ya peyva Qur’anê de pileya belaxetê ya şêst û neh ayetên mezin fewqelade ye û hêza cezaleta wê gelek bilind e. Eva hanê weke hizbeke Qur’anê ya dudoyê ji birayan re tê tewsiyekirin.
