BEŞA DUDUYAN

(Yên daîma ji min re xizmetê dikin di îxtîlafa ecêb ya ku di exlaqê min de dîtine ketine di nav heyretê; (herweha) du xwendekarên min der heqê min de hûsnê zeneke ku ji hedê min der ê, dikin. Ev beşa hanê hem di hemberî heyreta wan de, hem jî ji bo guhertina wê husna zena wan hatiye nivîsandin.)

   Ez dibînim ku: Hin kemalata derbarê heqîqetên Qur’ana Hekîm de ji wan wasiteyên ku îlankeriya (delaliya) wan heqîqetan dikin re tê dayîn. Ev jî xelet e. Lewra, pîrozweriya jêderkê bandorên wereng destnîşan dike ku di hêza gelek delîlan de ne; ehkamî bi wê li her kesî (umûmê) dide qebûlkirin. Kengê delal û cîgir jê re bibin asteng, ango ber (ê xelkê) bikeve wan, wê demê bandora pîrozweriya ku di wê jêderkê de ye wenda dibe. Ji ber vê razê ye ku ez ê ji wan birayên xwe yên ku tewecûheke ji hedê min gelek der nîşanî min didin re heqîqetekê beyan bikim. Halo ku:

   Mirovekî dibe ku gelek kesayetiyên wî hebin. Ew kesayet exlaqên cihê cihê nîşan didin. Wek mînak: Karmendek dema ku di meqamê karmendiya xwe de be kesayetiyeke wî heye ku; ew giranxûyiyê (weqar) pêwist dike, helwestên ku meziniya meqamî biparêze, dixwaze. Wek mînak, ku ew ji her serdanvanekî re dilnizmiyê nîşan bide, ew dibe adîbûn (tezellul), kêmkirina (tenzîla) meqamî ye. Bes, kesayetiya wî ya di mala wî de hin exlaqên ku dijê yên meqamî ne, dixwaze ku, çiqas dilnizmiyê bike baş e. Giranxûyiyeke (weqar) hindik jî nîşan bide dibe quretî. Û herwekî wê… Nexwe, kesayetiyeke mirovî ya ji hêla erka wî ve heye ku ji gelek aliyan ve dijê kesayetiya wî ya rasteqîn e. Eger ne xwidan-qabîliyet be, wek mînak eger neferek li cihê mereşalekî were rûniştandin, ew herdu kesayetî dê gelek ji hev dûr bin; xisletên wî neferî yên şexsî, jirêzê (bêqîmet) û biçûk, li exlaqê bilind yê ku ew meqam pêwist dike nayê.

   Vaye di vî birayê we yê belengaz de sê kesayetî hene. Ji hev gelek dûr in, gelek û gelek dûr in.

   Ewil: Kesayetiyeke min ya ji aliyê delaliya gencîneya bilind ya Qur’ana hekîm ve demdemî û sirf derbarê Qur’anê de heye.