Zeyla Mektûba Şanzdehemîn
بِاسْمِهِ
وَاِنْ مِنْ شَىْءٍ اِلاَّ يُسَبِّحُ بِحَمْدِهِ
Ehlê dinyê bêsebeb ji ber mirovekî mîna min bêqewet û reben dikevin nav dilxuşûşiyê û min beramber hezaran mirovan xeyal dikin? min dixine nav gelek qeydan. Destûr nedabûne ku li Bedreyê ku taxeke Barlayê ye û li çiyayekî Barlayê şevek du şevan bimînim. Min seh kir weha dibêjin: “Seîd beramberî pêncî hezar leşkerî ye, ji ber wê çendê em wî serbest bernadin..”
Ez ê jî bibêjim: “Ey ehlê dinyayê yê bextreş! Hûn bi hemû hêza xwe ve ji dinyayê re dişuxulin jî, digel wê çendê çima hûn karê dinyayê nizanin, hûn qerarên mîna dînan didin? Eger tirsa hewe ji şexsê min be, neku pêncî hezar leşker, teqez yek nefer dibe ku karibe pêncî qatî ji min bêhtir îşan bike. Ango dikare li ber deriyê min raweste û ji min re bibêje: “Tu dernakevî!”
Eger tirsa we ji mesleka min be, ji delaliya min ya Qur’anê be û ji hêza manewî ya îmanê be, ne pêncî hezar leşker, hûn şaş in, ji ber meslekê, ez beramberî pêncî milyonan im; bila haya we jê hebe. Lewra bi hêza Qur’ana Hekîm, bêdînên hewe jî di nav de ez meydanê ji hemû Ewropayê re dixwazim. Min bi wan nûrên îmanê yên weşandî kelehên wan yên saxlem ku jê re zanyariyên pozîtîf û xweza digotin ser û bin kir. Min feylezofên we yên bêdîn yên herî mezin ji heywanan jî xartir kiriye. Bêdînên hewe jî di nav de Ewropa hemû kom bibe bi arîkariya Xwedê nikarin min ji meseleyeke mesleka min vegerînin, înşallah dê nekarin têk bibin.
