Notekî Hêja û Razekî Hêjatir

   Ev ayeta fireh ya şigiftiyan, hemî balatiyên zanakî û hilkişanêd pîşekî û têşikên hostakî yê ku merif, ji alî yê firehtiya amadiya xwe da jê ra xuyagah buye yê, bi ber nava “hînkirina navan” va gotiye û navdaye ku, di wî da razekî bala yê wuha nazik heye ku: Her balatikî û her zanatikî û her hilkişanekî û her pîşekî bingehekî wî yê bala heye ku, ew bingeha jî, bal navekî Xwedê va dipale. Bi palîna bal wî navê ku gelek pirr perdên wî û vexuyanêd wî yê cureber û çemberên wî yê cihê hene yê va ew fenna, ew balatiya, ew pîşeya, balatiya xwe dibîne, dibe bingeh. Yan na, di rewşekî nîvcuda siyekî kêmasîdare.

   Bi nimûne yê va, hendaze şaxekî ye. Bingeha wî û noxta wî ya dawîn ew e ku, merif bal navê Xwedê yê Dadkar û Endazekar va digihêje, di neynika hendaze yê da xuyanêd wan nava yê huwîdedarane yê bi çagiriya wî va dibîne.

   Bi nimûne yê va, dermandarî şaxekî ye, hem pîşekî ye. Ew jî, dawiya wî û bingeha wî bal navê “Xweşî dayî” Xweda yê Huwîdedarê bê Berge va dipale, di dermanixa wî ya mezina ruyê zemînê da xuyanêd wî yê banînkarane yê, di derman da dibîne, bi wî va dermandarî balatiya xwe dibîne, dibe bingeh.

   Bi nimûne yê va, huwîdeyê tişta yê ku ji bingeha hebûkan da diaxive yê, vexuyanêd mezinê navê “Huwîdedar”ê Xwedê yê, xwediyane û perwerane, di tiştan da di huwîde yê wan û di karên wan da dibîne û bal wî navê va digihêje û balêva dipale, bi wî va ev huwîde ya dibe huwîde. Yan na, yan bal beyhudatiya va werdigere û dibe beyhude, yan wekî pelsefa xuristîn ji şaşiyê ra rê vedike.

   Ha ji te ra sê nimune. Pîşe û şaxên dinê yê, li van sê nimuna endaze bike.