Ji fermanêd vîna ezelkî û karîna çêkdara hunerbend a bingehîn ra cûrekî bendeyên Xwedê yên pêrev in ku, gewdeyên balayî, her yek mînanî yek mizgeft û yek peresgahê wan in.

   HÎMA SISÊYA: Pirsika periyan û rewanîkan ji wan pirskan e ku bi hebûna tek parîkekî va hebûna giştikî tê zanînê. Bi dîtina tek gewdekî va hebûna hemî cûreyê xûya dibe. Lewra, kî bikorîne, giştiyê dikorîne. ku tekekî wan hildide, ji hildana wî cûreyê giştî ra neçar e.

   Êdî ku were ye, da binêre: Ma tu nabînî û nabihîzî ku hemî merivên xudanê dînan di hemî çaxan da ji dema Adem da bal niha va ji hebûna periyan ra û ji bûyîna rewanîkan ra bûne yekbend; û mînanî ku gurohên merivan ji hevdû diaxivin û dibijên û hildidinê, ji axiftina periyan va ra û ji dîtîna wan ra û ji hildana ji wan da yî ra kom bûne. Gelo kitekî ji periyan bi eşkereyî va neyê dîtinê, hem bi dîtinê va hebûna qaratûkî, yan a çend qeratûyan, birrakî neyê zanînê, hem bi eşkereyî va û bi dîtînê va hebûna wan neyê bihîstinê, ma tu car çak e ku komanî û yekbendîkî wiha bikudîne; û di tiştekî wiha bûyîk û hebûnîk da û di tewşekî ku bal dîtînê va xwe dispêre yê da tîmmane û peyhevane ew yekbendiya bikudîne? Hem tu car çak e ku, cîgaha vê baweriya hîmyaneyî hîmêd bivîkan û tiştên eşkere nebe? Hem tu car çak e ku, gumanekî bêbingeh, di hemî wergeranêd meriva da û di hemî baweriyên meriva da bikudîne û bimîne? Hem tu car çak e ku, palgavê komana mezin a van xudanê dînan, gumanekî birrak nebe? Û bawerîkî dîtinaneyî nebe? Hem tu car çak e ku, ew gumana birrak û ew baweriya dîtinaneyî, ji nîşanêd bêjimar da û ewan nîşanana, ji bûyîkên dîtinêyî yên bêjimar da neyên û ewan dîtin û bûyîkana bê guman û bê mînan, bal hîmêd bivîkane va nedin? Wekî were ye, peywend û palbenda van baweriyên giştaneyî, li bal van merivên xudanê dînan da yê kokên bivîkane û hîmêd birrakên pêdabûyîn ji dîtina periyan û ji dîtina rewanîkayî bi gelek pircarayî ku hêza yekbendiya veşarkiyê didinêyê ye.

   Hem tu car çak e û tu car hişbend e û tu car hilêk e ku hebûn û dîtina periyan û rewanîkayî ku Pêxember û rewşendilên, mînanî roj û stêrk û hîvê asîmanê jîna komaniya merivayî, bi awayê yekbendî va û bi hêza komaniya veşarkî va agahandine û guwahî daneyî, gumanekî hilbide û ji mînankî ra bibe binger? Bi arizî va ewana di vê pirsikê da xudanê arizîkaniyê ne.