Amelê Salih: Maneya vê îstilahê “karên xêrê, qenc, baş yan jî tiştên bi feyde” ye. Hemî xebatên di warên huqûq, îbadet, exlaq û siyasetê de ku xwediyê van taybetiyan bin, amelê salih têne hesabê. Naxwe “amelê sahil” ew e ku mirov ne maddî, ne jî manewî mafê îbadan nexwe û mafê Xwedê jî yê ku li ser evdan e, bi temamî bi cih bîne.
Asûrî: Gelê ku di dewleta Asûriyan, -ya ku di Serdema Pêşîn de, li bakurê Mezopotamyayê hatibû avakirin- de jiyaye. Welatê Asûriyan pêşî di bin serweriya Babîlan û paşî jî di bin ya Mîttaniyan de bû. Asûrî berî Mîladê di sedsala 14an de serbixwe bûne. Paşî jî li Mezopotamyayê, li bakurê rojhilatê Enedolê û car caran jî li bakurê Sûriyê belav bûne û hêzeke mezin bi dest xistine. Qiraliya Asûriyan di Serdema Pêşîn de bûye navenda yek ji împeretoriyên herî mezin. Qiraliya Asûriyan berî mîladê di salên 612-619an de, bi êrîşên hevkar yên Keldanî û Medan hatiye ruxandin. Asûrî bi zîrekî û zalimbûna xwe têne naskirin û di warê mîmariyê de jî berhemên mezin li pişt xwe hiştine.
Atif (Ural): Atif Ural di sala 1933an de li Qersê hatiye dinyayê, ji Fakulteya Huqûqê ya Enqerayê mezûn bûye. Di dema xwendevaniya xwe de, di weşandina kîtabên Sozler û Mektubatê ya bi herfên nû (herfên latînî) de xebitiye. Atif Ural hakimtî û dozgervanî (hakimlik ve savcilik) kiriye û di sala 1966an de wefat kiriye.
Bajarê Fazile yê Eflûtûnî: Ramanek heye, dibêje; jiyaneke bi fezîlet û bi rûmet tenê di civateke îdeal de dikare pêk were. Fîlozof û şairan jî hertim ev jiyana han xeyal kirine. Fîlozof Eflatûn jî di kîtaba xwe ya bi navê Dewlet de xeyala sîte-bajarekî weha îdeal dike. Di nav mufekkirên mislimanan de ramanên mîna vê nîzama dewleteke utopîk li cem Farabî xweya dikin. Farabî di berhema xwe ya bi navê el-Medînetu’l-Fazile de taybetmendiyên bingehîn yên vê dewleta îdeal nîqaş ike. Li gorî Farabî du hêzên girîng hene, dikarin bikin ku mirov bi hev re bijîn: Hezkirin û edalet.
Bayram (Yüksel): Yek ji şagirtên Bedîuzzeman yên girîng e. Di sala 1947an de Bedîuzzeman nas kiriye. Di sala 1948an de digel şagirtên Rîsaleyên Nûr di Hebsa Efyonê de maye. Di sala 1950î de tevî Herba Qoreyê bûye. Piraniya zemanê xwe di xizmeta Rîsaleyên Nûr de derbas kiriye. Bayram Yuksel mirovekî zekî û fedakar bû û derbarê Îslamê de jî pir hessas bû. Di sala 1997an de, dema ku ji Bulgaristanê vedigeriya Tirkiyê, di rê de qezaya trafîkê kiriye û rehmet kiriye.
