METODA RÎSALEYÊN NÛR

   A. METODA TEFSÎRÊ

   … Dema ku em dibêjin, „Rîsaleyên Nûr tefsîreke bi hêz û rast ya Qur’anê ye“ hinekên ku tam diqqet nakin, nizanin. Loma jî hissa pêdiviya ravekirina vê rastiyê bi min re çêbû. Ew jî ev e:

   Tefsîr du qism in: Qismek jê tefsîrên ku têne zanîn in. Ev tefsîr gotinên Qur’anê peyv û hevokên wê rave û şîrove dikin, îsbat dikin.

   Qismê duduyan jî, wan rastiyên îmanê yên di Qur’anê de, bi delîlên hêzdar rave û şîrove dikin, rastiyên wê radixînin ber çavan. Ev qismê han pir girîng e. Tefsîrên ku tên zanîn û li gorî maneya zahirî Qur’anê tefsîr dikin, carna bi kurtayî vî karî dikin, lê heçî Rîsaleyên Nûr e, ev metoda qismê duduyan ji xwe re kiriye bingeh. Rîsaleyên Nûr tefsîreke wisa kûrmane û payebilind e ku bi awayekî bêmînak fîlosofên herî dijber jî disekinîne.

 (Sözler: 493)

***

   Îddîaker dibêje: Rîsaleyên Nûr ne tefsîr e, hem jî carna muxalifê eqîdê ye.

   Tefsîr du qism in: Qismek jê gotinê rave dikin, yê din jî rastiyên wê îsbat dikin. Sedhezarên kesên zîrek û têgihiştî şahidê vê yekê ne ku Rîsaleyên Nûr di nav qismê duyem de tefsîra herî bi quwwet bi qîmet e. Alimên lêkolîner yên li Misrê, Şamê, Herema Şerîf, Stenbolê û li cihên din ku Rîsaleyên Nûr tesdîq kirine û tu rexne lê negirtine, nîşana vê rastiyê ne. Tekoşîna ilmî, mentiqî û serkeftî ya ku Seîd di jiyana xwe de kiriye jî îddîa û tezên ku xelk di eleyhê Rîsaleyên Nûr de dibêjin, red dike, derew didêrîne.               

(Mudafaalar: 327)

***